Japan Bawhlung Team Dotu Ding Myanmar Bawhlung Team Ah Chinmi 3 An Tel

2022 World Cup tel thei dingih zuamawknak ah Japan le Myanmar cu may 28 ah lek ding an si ih Myanmar Bawhlung team hrang hminthang tamzet cu ralkap uknak duh lo ruangah tel loin an um nan, Chinmi pathum cu Japan do dingin Myanmar team ah an tel ih Japan an thleng ve zo.

Tuitum ah Myanmar ram aiawh in lek ding Chinmi pathum cu hmaitlan Suan Lam Mang,laitlan Laldinmawia le dungkham Salai David Htan pawl an si. Suan Lam Mang cu Thailand club Ranong united club in Myanmar Bawhlung team a zom zo ih Salai David Htan khal Shan United in Myanmar bawhlung team ah a feh zo. Laidinmawia khal Hanthawady team in Myanmar bawhlung team a pan fel zo.

Suan Lam Mang

Myanmar dotu ding Japan cun ramleng Europe ih lek cin player hlir a hril ruangah Myanmar hrang neh a harsa zet dingah ruah a si. Culawng siloin ram buai lai a si ruangah Myanmar bawhlung sitthiam 10 pawl cu ralkap cozah hnuaiah kan lek thei lo tiin sawmnak an rak el. Tuitum ih tel lo ding Myanmar Bawhlung sitthiam hminthang 10 pawl cu Kyaw Zin Htet, Kaw Zin Phyo , Zaw Min Htun, Htay Htay Aung, Nanda Kyaw , Hein Htet Aung, Sithu Aung, Kaw Ko Ko, Aung Thu , Zaw Min Htun le Aung Kaung Man pawl an si.

David Htan

Ralkap cozah hnuaiah Myanmar hrang lek dingin Japan ih feh suak pawl cu Kawlkil ah Ko Ko Naing, Pyay Shan Aung, San Sat Naing, dungkham hrang David Htan,Yemin Thu, Yezin Aung, Hein Htet, Zaw Ye Htun, Soe Moe Kyaw , Thein Thein Win, laitlan hrang Hlaing Bo Bo, Myat Aung Khan, Tin Win Aung , Lwin Moe Aung, Mg mg Lwin, Yan Naing Oo, Mg Mg Win, Ngyin Chan Aung, Laldinmawia , hmaitlan hrang Pyay Moe, Htet Phyo Way, Suan lam Mang, Than Htet Aung le Win Naing Htun pawl an si. Myanmar Bawhlung team cun may 28 ,nazi 4:50pm ah 2022 World tel thei tum in Japan bawhlung team an do ding a si.

Be the first to comment

Leave a Reply

Your email address will not be published.


*