CDF Kanpetlet Cun Mipi Cu Hmunhim Ah Fehsuak Dingin Theihternak A Nei

Chin ramkulh Kanpetlet myone ah CDF Kanpetlet le ralkap cu ni 2 sunglai do aw phah , pel aw phah in an um zo ih ral lakin mipi an himsin theinak dingah mipi cu hmunhim ah thawnsuak dingin CDF Kanpetlet cun ralrinnak netabik ca a suah.

Ca sung ahcun “CDF Kanpetlet cun Kanpetlet myone mipi siseh hmundang ih ra um khal doawknak caan ah mipi tuar mal dingin hmunhim ah thawnsuak cia dingah kan lo theihter. Kanpetlet myone sungih um hnget silo hmundang ih ra um pawl cu nan khua ciar ah tlung dingin theihter nan si.

Hmunhim ih Kanpetlet mipi pawl an tlan caan ah an inn pawl bauhsak , thil ruksak le thil-hlo tivek a um ih hmundang in Kanpetlet pengih um hnatuan phunphun nei pawl cu Kanpetlet suahsan hngal dingin theihter nan si. Nan um peh thotho asile nanmah siseh nanmah lo kotu siseh thilthleng ziangkim ah nunnak thawn bangaw khopin nan peksal a tul ding tiah neta bik ralrinnak kan lo pe a si,” tiah a ti.

Be the first to comment

Leave a Reply

Your email address will not be published.


*