CDM Tuah Chinmi Ralkap Pakhat Cu A Nupi Fanau Thawn Mangbang Vansang In An Um

Karen ramkulh Hpa-an khua ahmat 202 ih ralkap tuan Chinmi pakhat cu April thla in CDM ah a rak lut zo ih a nupi fanau thawn an relh rero. Tuini tiang amah humhimtu ding pawlkom a biak thei hrih lo tlunah beunak ding felfai an nei hrih lo ih bomnak ziangkhal an dong lo.

Amah cu Chin ramkulh Tedim khawmi a sinan, Chinram ah mipi humhimtu le ralkap doawknak a nasa zet cu Chinram a pan ngam hrih lo. Tu ah amah buaipi theitu ding le humhim theitu ding a tul zet thu RFA thuthang a simthei. CRPH khal online in ca a kuat nan, an let hrih lo tiah a rel. Ralkap ah kirsal dingin a hrang a cang nawn silo, ralkap an tuannak hmun an suah zan hnuah tui an umnak khua ahcun a nupi le fate 3 thawn an relh hrih.

Thla 2 hrawng an relh zonak khua ahcun an him tuk nawn loin a thei ih hmunhim feh a duh, anmah buaipitu ding pawlkom biak a duh. A hmin pum le sinak cipciar khal FRA hnenah a pe thluh nan, amah tlunah a nupi fanau pawl thawn hmunhim ah an thleng hrih lo cu tarlang ngam a si hrih lo. Ralkap lakin an him lo tlunah taksa dan ih tulsammi khal an harsa tuk tiah a rel a si.

Be the first to comment

Leave a Reply

Your email address will not be published.


*