Chin Party CNLD In Pu No Than Kap Ca An Let

Chin party CNLD cun an party hmin aiawh in Ralkap dinmi UEC thar meeting kaitu Pu No Than kap in Chin Party in ka suahnak a rei zo tiah a timi cu ca in an let ve ih Pu No Than Kap suahnak ca cu may 21,zan nazi 9pm lawngah messenger in ca an don fang thu an tarlang.

CNLD cun “Ralkap dinmi UEC thar ih meeting kaitu ah Chin Party CNLD a tel tiah media pawl tarlangmi in kan rak thei. Kannih Chin party CNLD cun tui dinhmun ram buainak boruak ruangah UEC meeting kan kai thei lo ding thu cu may 17 ah UEC hnenah ca in kan rak theihter zo. Curuangah may 21 ih tuahmi UEC thar meeting ah CNLD aiawh in meeting kai dingah fialmi zohman kan nei lo timi cu Chin mipi kan lo theihter duh.

Cumi tlunah Pu No Than Kap in March 31,2021 in Chin party CNLD ka suahsan tiah a relmi khal may 21, zan nazi 9pm lawngah CNLD a suahsan duh thu cakuat cu Messenger lawngin kan hmufang. Pu No Than Kap ih bannak ca thawn pehpar aw in Central CNLD cu a rangthei bikin meeting kan ko dingih thurelcatnak kan nei ding a si,” tiah an ti.

UEC thar meeting kaitu Pu No Than khal in UEC thar meeting cu Chin party CNLD hmin in kai a silo thu , amah bulpak in kai a si thu le a rualpi pawl cibainak a neih menmi a si thu pawl cu mipi simfiangnak a rak nei ve zo a si.

Be the first to comment

Leave a Reply

Your email address will not be published.


*