Chin Ramkulh Paletwa Khawpi Le Tedim Khawpi Sungah Bomb A Puak

May 28 zinglam nazi 7am hrawngah Chin ramkulh Paletwa khawpi sung hmun 2 ah bomb a puak thu khua mipi pawl hnenin theih a si ih, may 27 mizan nazi 7pm hrawng khalah Chin ramkulh Tedim khawpi sungah bomb a puak ve.

Tedim

Paletwa khawpi sungih Bomb puaknak hmun pakhat sawn cu peng uktu zung le Baptist biakinn karlak ah a si ih pakhat bomb puaknak hmun cu pituh sizung kot ah a si. Zoin bomb a puah ? ziangruangah timi cu tuhrih tiang theih a silo ih kaimi khal an um lo.

Paletwa

Paletwa le a kiangkap ah AA le ralkap cu kan dung kum November thla in an do aw nawn lo zo ih ,tui tum bomb puak cu thildang thu ruangah a si ko ding tiah an zum. Cumi khal Chin ramkulh sungah ralkap cozah hnuai ih tlawn ap tamnak bik cu paletwa a si ih cumi thawn pehparawknak a neih an zum.

Chin ramkulh Tedim khawpi sungih bomb puaknak hmun cu myone fimzir zungah a si ih bomb puak ruangah thi le hriam tuar an um thu theih a silo nan, bomb puak ruangah myone fimzir zung a siat phah zet tiah theih a si.

Tui dinhmun Chin ramkulh sungin tlawng ap tamnak bik cu Paletwa peng a si ih Tedim peng in a thlun. Pathumnak ah Falam peng a um ih Thantlang peng cu tlawng ap malnak bik a si.

Be the first to comment

Leave a Reply

Your email address will not be published.


*