Chinram Cikha Khua Ah Mipum 100 Hrawng Cu Thawsam Natnak In An Buai

Chin ramkulh Tonzang peng, Cikha khua ah khuami mipum 100 hrawng cu covid 19 natnak vek thawsam natnak in an buai ih sizung ah tuamhlawm rero lai an si.

Damlo mipum 100 hrawng cu Oxygen tulsam deuh hlir an si ih sizung ahcun an neih tawk Oxygen cu a tulsam hleice pawl an bunter vivo. India ram ih covid 19 natnak cikhat thawsam ih buai pawl vek dingah ruah a si ih thaw zohnak 90 hnuailam cin cun dinhmun tha lo zet a si.

Covid 19 natnak an cek le cek lo an tarlang lo ih sizung ahcun theitawk in an tuamhlawm rero. Cikha cu India ramri ih um khua a si ih ,an khua in India ramsung cu duhtawk in feh sukso theih a si.

Tulai India ram ah covid 19 nat nei in thawsam cih tampi an um ih dem lam an pan taktak thei hrih lo. Hivek dinhmun ah India in Myanmar tlung an um hnuaihni cu tlung thar theih tikah fimkhur tul zet a si thlang. Kan dung khalah Tahan ah covid 19 natnak in mi pakhat mual a rak liam zo a si.

Be the first to comment

Leave a Reply

Your email address will not be published.


*