Chinram Ih Palik 12 Cu Mipi Lamtang In CDM An Tuah Ih CDF Hnuaiah An Beu

Chin ramkulh Kanpetlet khua ih palik 12 cu Myanmar ram buainak ah mipi lamtang in may 22 ah CDM ah an luh thu CDF in Chin mipi theihternak an nei ih an humhim ding thu khal an suah. Tui dinhmun Chinram ah ralkap le CDF doawknak a nasa tukih CDF cun ralkap le palik pawl cu CDM tuah dingah ralrinnak an pe rero.

CDM tuah palik lamah bo 3,bo 2 le bo 1 tivek khal an tel ih an himnak hrang CDF cun tuanvo a lak vivo ding thu a suah. Cumi ruangah CDM tuah palik 12 pawl cu CDF hnenah an um zo in ruah a si. An hmin le zuk tel in CDF cun a pholang thluh ih lungkimnak felfai tuah in an lalut. An zaten kanpetlet palik zungih tuan an si ih Kanpetlet CDF in an humhim ding.

CDF cun a tlunih zuk vekin a tarlang thluh.

Hrekkhat an thinphang ,ralkap thuthup simtu an si pang pei maw titu an um hnuaihni nan, CDF cun Chin ramkulh sungih ralkap le palik tuan pawl cu caan a tlai hrih lo, sangka kan lo on lai, CDM tuah uh tiah ralrinnak an pe rero. Ralkap le palik tlunah cozah hnatuan CDM tuah lo khal CDF cun ralrinnak a pe rero a si.

Be the first to comment

Leave a Reply

Your email address will not be published.


*