Chinram Mindat Ah Ralkap Ih Kammi Bomb Pal Puak Ngahtu Chin Mino Pahnih An Thi

Chin ramkulh Mindat peng Pukun khua kiangih ralkap le Mindat mipi humhimtu doawknak ah ralkap pawl dung an sip cu bomb an kam phah vivo ih Mindat mipi humhimtu lakin mino pahnih cun ralkap kammi bomb an pal puak ngah ih an nunnak a cem.

Doawknak cu ralkap in raltlan pawl umnak tiang hnaihnok tum in Chin raltlan pawl an pan vivo ruangah mipi humhimtu pawl in ralkap an rak kham ih do aw an si. Ni 4 sung an doawk hnuah ralkap lam dung an sip cu thupten an ra kirsal pei maw tiin thlingthlatu mino an thlah ih bomb an pal puak ngah tikah mino 2 an thi.

Mipi humhimtu lakin hotu pakhat cun “Ni 4 sung kan doawk hnuah ralkap lam cu dung an sip. Neta ah thupten an rasal pei maw tiah thlingthlatu ding kan ruat cu an zohfelnak ah ralkap kammi bomb an pal puak ngah ih a hmunah Salai Tam Hung le Salai David an nunnak a cem. Salai Tam Ling cu hriamhma a tuar a si,” tiah a ti.

Be the first to comment

Leave a Reply

Your email address will not be published.


*