Evan.Lar Boih Ih Thawng Tlak Ding Kum Ṭhumsak A Si Ruangah Lamzin Zawh Tum

Kum kim lo nunau pahnih sualpitu thubuai ruangah kum 43 sung thawngtla dingin kalaymyo thuṭhennak zung in hremnak a rak pekmi Evan.Lar Boih cu ramṭhen thuṭhennak zung in kum 17 sung lawng thawngtla dingin an ṭhumsak ruangah Kalaymyo ih nunau pawlkom le inntek lam lungawi loin lamzawhnak an nei tum thu theih a si.

Evan.Lar Boih cun Falam peng ihsin Letpanchaung ih an inn ah tlawng kai in um kum 15 nute cu 2015 kum ah a rak sualpi hmaisa ti a si ih kum 14 nute cu 2018 kum ah a sualpi tiin nunau lam cun 2018 kum ah thubuai an rak thehlut. Thubuai thawn pehpar aw in Evan.Lar Boih cu Kalaymyo thuṭhennak zung in 2019, January 16 ah kum 43 sung thawngtla dingin hremnak a rak pe.

Kum kim lo nunau pakhat a sualpi ruangah kum 20 ,a dang kum kim lo nunau a sualpi bet ruangah kum 20 le kum kim lo nunau a puakcop le hrem ruangah kum 3 tiin hremnak rak pekmi a si. Kalaymyo thuṭhennak zung in hremnak a pekmi thawn pehpar aw in ramṭhen thuṭhennak zung ah hremnak ṭhumsak dingin dilnak an theh lut cu kum 26 rori ṭhumsak le kum 17 sung lawng thawngtla dingin an remsak ih nunau lam le kalaymyo nunau pawlkom pawl lungkim loin lam an zawh tumnak a si. ( Upper Chindwin Youth Network )

Be the first to comment

Leave a Reply

Your email address will not be published.


*