Falam Ah Zan Suakvak Lo Dingin le Ramtawi Hrih Lo Dingin Mipi An Theihter

Tulai kan ram boruak ruangah Falam khawpi siseh a kiangkap mipi pawl cu zan ah suakvak hrih lo dingin le hramlak ah sapel in tawivak hrih lo dingah mipi theihter a si ih ,cumi cu ziangdang ruangah siloin ralhrang pawl lakin mipi him theinak ding hrang a si.

Cumi thuhla ah Falam CDM dinpitu pawlkom cun “Kan boruak dinhmun ziang a si timi cu simawk ṭul nawn lo khopin mipi kan zate ih theihmi a si. Cuti a si ruangah mipi pawl kan him theinak hrang tiah Falam CDM Committee cun Falam khuasung ah zan hnu suakvak tuk lo dingin le ṭul poimawh tuk thu a um lo ahcun inn sungah um cio dingin kan lo sawm. Hmun tinkip ah rin lopin Ral lo Kap pawl an um phah ṭheu ruangah a hleice in hramlak sapel khal cawl hrih dingah kan lo sawm. A tlunih thuhla pahnih cu mipi himnak hrang tiah sawmnak kan neihmi a si ih mipi lam khalin thlun zuam cio dingah kan lo sawm duh bet a si,” tiah an ti.

Falam khawpi le a kiangkap ah ralkap siseh palik khal an um hnuaihni tiah theih a si ih kan dung khalah lamzin vak men cu meithal hmet puak in an rak hringhro zo. Cumi hnu cu thuhla thar theih ding a um hrih lo a si.

Be the first to comment

Leave a Reply

Your email address will not be published.


*