Falam Ih Swimming Pool Hmaisabik Theh Fel Zo A Si ih Onpuai Khal An Tuah Fel Zo

Falam ih Swimming Pool hmaisabik Lailun tileuhnak hmun cu za ah za theh fel zo a si ih tuini August 15 ah Covid 19 boruak thawn minung malte sawm in onpuai an tuah thu theih a si.

Lailun tileuhnak cu Chin Christian Institute Of Theology tlawngih hmuan tuahnak Intigrated Development Center sungah tuah a si ih a kauhlam pi 30×60, a thuklam pi 5 le zungpi 5, pitling tileuhnak a kauhlam pi 16x18x2 le nauhak tileuhnak a thuklam pi 1 le hrek khal a um tel. Himi cu mipi cawlh hahdamnak ding hrang le tileuh zirnak ding hrangah tuah a sinan,tutiang cu tileuh an zirh thei hrih lo.

Lailun tileuhnak hmun cu Falam khawpi in peng 6 hla tlukah a um. Mawtaw zin felfai le ṭha a um ih thlatang le ṭhal caan ah khawpi dangdang ihsin Lailun ah hahdam zetin cawlh an hmang ṭheu. Falam khawpi hnakin tamzet a niam ih ti leuhnak hmun remzet a um zo cu mipi a hip sinsin dingah ruah a si.

Sayamah Lal Biak Hnem cun “Falam Lailun ih tileuhnak hmun cu theh fel zo a si ih tuini ah onpuai kan tuah. Tileuh duh le a hmun ih feh duh hrang thlun ding daan le a tulmi cu a hmunah kan tar thluh zo a si,” tiah Vapual Auaw a simthei. ( Zuk – MRTV Falam Zung le lawrkhawm )

Be the first to comment

Leave a Reply

Your email address will not be published.


*