Falam Peng Sungih Laica Zirhtu Ding Saya/mah Pawl Cu Laica Zirh Dan Tindan Pe

Falam peng sung hramthok tlawng ih laica zirhtu ding tlawng saya/mah pawl cu Falam khawpi ahmat 2 tlawng ah August 17 in laica zirh dan zirhnak pek an si thu theih a si.

Himi cu Falam Calai pawlkom le firzir zung lamih kaihruainak in tuahmi a si ih Falam peng sungin hramthok tlawng laica zirhtu ding saya sayamah pawl an kim thluh thei. Zirhnak ahcun saya sayamah pawlin ziangtin nauhak pawl cu laica an zirh ding , ziangtin laica ngan dan an zirh ding timi le ziangtin laica siar dan an zirhter ding timi pawl simtheih le zirh an si.

Laica zirh dan ding tindan cu August 17 in an thok ih August 22 tiang zirnak an nei peh vivo ding. Zirnak cu zinglam nazi 10 in sun nazi 12 tiang group pakhat , zanlam nazi 1 in nazi 3 tiang group pa hnihnak tiin zirh an si ih Falam khawpi sungih zirhtu dinhmun in cawl lo mi 6 in laica zir dan tidan an pe a si. ( IPRD Falam )

Be the first to comment

Leave a Reply

Your email address will not be published.


*