Khua Sungih Bomb Puak Thuhla Ruangah Chin Mino 10 Cu Ralkap In An Kai

Chin ramkulh Peletwa khawpi ih um Chin mino 10 cu Paletwa khawpi sungih bomb puak ruangah kaih an si ih ,tuini tiang thlah zalen an si hrih lo thu khuami pawl in an rel.

May 28, zinglam nazi 7 hrawngah Paletwa khawpi sung hmun 2 ah bomb a puak ih ,bomb puak ruangah thi le hriam tuar cu an um lo. Cumi ruangah ralkap pawl cun Paletwa khawpi sungih um mino 9 cu may 28 ah an rak ih may 29 ah mino pakhat dang an kai bet. An zaten bomb puak thuhla , Mindat CDF bom thuhla tlunah Paletwa CDF din thuhla ruangah kaih an si thu khuami pawl cun an rel.

Khuami pakhat cun “Tuvekin theihfiangnak fumfe hman um loin an hruai ih an kai men cu kan pom thei lo lawlaw. Paletwa ahcun bomb le meithal nei cu ralkap le AA lawng an si. Curuangah bomb puahtu cu anmah lole AA ah pakhat sangsang an si ko ding. Paletwa CDF ih tuahmi cu a si thei lo hrimhrim a si,” tiah Khumi thuthang a simthei.

Kaihmi 10 lakah pakhat cu ,tuini may 29 ah thlah zalen sal a sinan, thusuh a theih hrih lo ih biak thei dan tawlrel rero lai a si. Midang 9 cu , tuini may 29 tiang thlah zalen an si hrih lo ruangah khua mipi cun an ngaihtuah tuk a si.

Be the first to comment

Leave a Reply

Your email address will not be published.


*