Korea Ah Chin Tlangval Pakhat Cu Tiva Ah Fen In A Nunnak Cem

S.Korea ah visa thawn hnaṭuan Chin tlangval pakhat cu an hnaṭuan ṭheh tidai an bual cu cangsual in runsuah man a si nan, sizung ah a nunnak a cem thu FCFK cun a tarlang.

Salai Kim Tham Mawi ( kum 21 ) Falam peng Valung khawmi cu kum 3 E-9 visa thawn Korea ram Gangwangdo Chuncheon ah hnaṭuan a si ih August 29 ,zanlam nazi 3:30pm hrawngah hnaṭuan an ṭheh cu a rualpa Salai Nung Piang, Khawpual khua thawn an hnaṭuannak kiangih tiva ah dai an bual. Dai an bual laiah Salai Kim Tham Mawi cu tidai ah a fen ih a rualpa Salai Nung Piang in a run tum cu an pahnih in an fenhlo.

Salai Nung Piang cu an hnaṭuanpi kawl midang in an runsuak ngah ih Salai Kim Tham Mawi cu palik pawl an thlen hnu lawngah runsuah ngah a si. An pahnih cun a rang thei bikin sizung ah fehpi cih an si ih sizung ahcun Salai Nun Piang a dam cak vivo nan , Salai Kim Tham Mawi cu thaw pek cop ṭul in a um. Thaw pek cop in sizung ih an tuamhlawm reromi Salai Kim Than Mawi cu August 31, zinglam nazi 11:30am ah a nunnak a cem.

Tuah a ruang vui dan ding le sizung ih buaipi ṭul pawl cu KOREA ih Falam Christian Pawlkom in an buaipi rero lai a si.

Be the first to comment

Leave a Reply

Your email address will not be published.


*