Kum 20 Mi Chin Tlangval Salai Cungte Cun A Ha In Fangfai Dip Khat Le Bike Khai Thei

Chin thuanthu ih micak pakhat mipi theih zetmi cu thuamcak tiah kan theih lar zetmi a si ih tui dinhmun khalah Chinmi in thuamcak vek micak kan nei ih amah cu kum 20 mi Salai Cungte ( Cung Ven Ham ) a si.

November 11,1999 kum ah Haikhawl khua ah a suak ih 2001 kum ah Tahan ah an ṭhawn. A pa cu U Bual Ro Thang a si ih a nu cu Nu Tha Hlei Awi a si. Suahpi nunau pahnih an si ih Salai Cungte cu naute sawn a si. Pi 5 le zungpi 4 ih sang a si ih 49-50kg tlukin a taksa a rit. A cahnak bikih lar cu a ha in thilrit a kai thei zetih fangfai dip khat le bike pakhat tivek cu hridai in an ṭawn hnuah a ha in a kai thei. A ha rori in thilrit a kai theizat cu cuai 120 hrawng a si.

Hivek ih cak dingah ei le in danglam ciamco a ei lo ih kan ei vek ,kan in vek in a si. Asinan, taksa cangvaihnak a nei ringring ih a ha ṭha dingah thilthlum a ei lo, thil thur lam a ei tam. Cakvak ding cun zuk le hmawm tham lo a thupit thu Chin mipi a simthei ih taksa cangvaihnak khal tuah thei ringring a ṭhat thu a rel. Video –

Chin mipi hnenih a cah duhmi cu khat le khat rel aw culci le do aw ruri men loin thazang pe aw thiam ding, duhdawt aw ding tlunah thleidannak neih lo ding timi pawl an si. ( CMPT )

Be the first to comment

Leave a Reply

Your email address will not be published.


*