Mindat khawpi Sungah Mit-caw Pitar Cu A Fale An Tlan Thluh Ruangah Amah Ten Um

Ralkap in Mindat khawpi an uk ruangah mino cakvak le virhvat tha pawl cu khua an suahsan thluh ih hmunhim ah an tlan. Hrekkhat cu hramlak ih um an um ih hrekkhat cu phungki tlawngih um khal an um. Pitar pakhat cu a inn zuat tilva ruangah a fa tlun loin amah ten inn ah a um.

Amah ten rawl a suang thei ih fangfai le pe suan ding a neih lai thu a rel. Meithal puak awn a theih ringring ruangah ihkhun ah a it ngam lo ih a hnuai zialah a him sawn ding tiin a it. A fale dinhmun a theihthiampi zetih in ra hruai uh tiah ka tilo,ka seherh zet hai,kei cu hitin ka um hrih ko ding tiah a ti.

pitar cun “Puak awn ka theih ringring ruangah a hnuai ah ka it. Vanthat ah ka vok ka rak zuar pekih cumi man in ka leimi fangfai mallai ka nei lai. Vok dang lei in vokinn ka tuahsak nan, tu ahcun ka vok pawl khal hmuansung ah an um nawn lo. Raltlan pawl cu cah ding ciamco ka nei lo. Khawsung ah ra in keimah in ra hruai ding khal a si thei lo ding. Cangthei sehla ka fapa in i ra ko sehla ka ti zet nan, anih khal nunnak cuh in tlan a si. In ko dingin a remcang hrih lo timi cu ka theihthiampi tuk.

Phungki tlawngah hrekkhat an um nan, kei cu ka vok , uico le ar pawl kilkhawitu ding an um lo, Curuangah phungki tlawng feh ding cu a rem hrih lo. Ka innhnen pawl cu zohman an um nawn lo ih an tlannak a rei zo. Tu ahcun ka lo thlun thei hrih lo ding, hahdam zetih ka um theinak dingah thla in camsak uhla keikhal thla ka cam ringring a si,” a ti.

Pitar mitcaw cu tuitum cu mi 2 in a umnak inn ah an va veh ih neta ah a tulsammi thil le eiin peh in an fehsal ding cu pitar an sim. Pitar cu raltlan hrekkhat umnak phungki tlawngah um ve dingin an sawn nan, inn ih um a hril hrih sawn a si.

Be the first to comment

Leave a Reply

Your email address will not be published.


*