Mindat Khua Ih Um Pawl Tadai An Ngahsal Thlang Nan, Meisa Le Phone Line Siat

Ralkap uknak an phuanmi Chin ramkulh Mindat khawpi sungih um mipi pawl cu tidai an ngahsal thlang nan, meisa le phone line an ngah lo thu theih a si. Ralkap cun Mindat peng cu may 13 ah ralkap uknak a phuangih May 15 in an uk thok.

Mindat mipi humhimtu pawl cu mipi ruat tukah ralkap do peh loin May 15 ah dung an rak sip ih ni 3 sung an cawl hahdam hnu ,May 19 ah Mindat le Matupi zinpi ih ralkap pawl cu mipi humhimtu pawl in an va kap. Cumi ah ralkap 3 an kap that. Cumi hnu cu an cangvaihnak thu theih a si hrih lo. Ralkap cun may 17 in Mindat mipi tidai hna cu an rak ticat ih tidai loin mipi an ret lawk.

Asinan, May 20 in Mindat mipi pawl cu tidai an ngahsal tiah theih a si. Tidai an ngahsal nan, meisa le phone cu phihsak an si hrih tiah buaipitu pawl in an rel. Meisa le phone line cu ziangtikah an pesal ding timi cu theih ban a silo. Ralkap in Mindat khawpi an umcilh ruangah hramlak ih tlan mipi thawng 10 lenglo an um zo tiah theih a si.

Be the first to comment

Leave a Reply

Your email address will not be published.


*