Miss Thuzar Wint Lwin In Covid Ih Buai Cikha Khua Sizung Hrang Ting 25 A Pe

Myanmar ram aiawh in Miss Universe 2020 ih thuam mawibik laksawng ngahtu Miss Thuzar Wint Lwin cun tui dinhmun covid 19 natnak ruangah damlo tuamhlawmnak hrang buai tuk Cikha sizung cu ting 25 kyat in a bom thu tiah theih a si.

Miss Thuzar Wint Lwin cu Miss Universe theh fel zo si hman sehla Myanmar ah tlung hngal hrih loin ram buainak a fel hlan sung cu US ah um hrih tum a si ih ,tui dinhmun khalah US ih um myanmar mi le Chinmi pawl in sunlawihnak laksawng an pe rero lai. Tukhalah US ,Tulsa ih um Zomi pawl in an hnenah feh dingin an sawm hnuah sunloihnak an tuah ih cumi ah Miss Thuzar Wint Lwin khal in ,tui dinhmun covid 19 natnat ruangah buai tuk Cikha sizung hrang ting 25kyat a pe.

Miss Thuzar Wint Lwin ih pekmi ting 25 kyats cu Tulsa zomi pawlkom in a rangthei bikin Tonzang peng, Cikhua khua ah an kuat dingih Cikha sizung ih tulsammi Oxygen concentrator leinak ah an hmang ding. Cikha khua ah mipum 100 hrawng cu thawsam natnak in an buai ih thawpek tul zet hlir an si ruangah Oxygen an daih aw lo tuk tiah theih a si.

Be the first to comment

Leave a Reply

Your email address will not be published.


*