Myanmar Ralkap In Chin Sibawi Thiamsang Ih Mit An Kap Ngah

Magwe khawpi ih sibawi tuan Dr.Zachhinga cu may 26 zan ah golf an leknak in inn lam an tlung cu lamzin ah ralkap pawl in an rak kap ih a mit kehlam le a ban kehlam an kap ngah.

A mit cu a naa tukih Magwe sizung in Naypidaw sizungpi ah an fehpi cih hngal. Tui dinhmun khalah a mit naa tuk ruangah ICU ah tuamhlawm rero lai a si. A nupi khal a pasal thuamhlawm dingin Naypidaw lam a pan fel zo. Minung lam cun a mit thasal ding cu an beisei tuk lo nan, a nunnak hrang tihnung cu a silo. A mit sawn cu dinhmun tha lo zet a si.

Dr.Zachhinga cu 1994 kum ah sibawi zirsuak a si ih 2004 kum ah Special surgery M.Med.Sc a thehsuak. A thanliannak Kalaymyo suahsan in Magwe ih a thawnnak khal a rei tuk hrih lo tiah theih a si. A farnu Pi Siami khal Chinmi dinhmun ah politics lamih larsar zet le caan hnih sung MP tuan thei a si.

Magwe District Golf thawi zuamawknak ah tel ve a si ih golf an lek theh cu rualpiza in an tlung ih lamlak ah ralkap in an rak kap cu a mit le ban an kap ngah. Ziangruangah ralkap in an kap timi cu theih a si lo a si.

Be the first to comment

Leave a Reply

Your email address will not be published.


*