Myohla Ih Zeng Nat Nei Pitar Sualpitu Cu Thi Dingin A Tlun Thu Relcat A Si

 

Kalaymyo Myohla ih pitar sualpitu Zaw Min Htun cu tuini August 19 ah a thuhla relfel a si ih Kalaymyo tayazung cun thi dingin a tlun thu a relcat.

Zaw Min Htun ( kum 45 ) cun Myohla ih zeng nat nei pitar kum 89 cu Innsung ih amah te a umlai le a fanu dai a bual lai June 19 zanlam nazi 6:20pm hrawngah a sualpi ih pitar authawm ruangah an pan lohli cu pitar sualpitu Zaw Min Htun khal innsung rori ah an kai ngah. Thilthleng thawn pehpar aw in palik theihter cih a si ih pitar sualpitu Zaw Min Htun cu Kalaymyo palik hnenah ap le pitar sualpi thubuai ohter a si.

Pitar cu damlo cia, kum 5 sunglai zeng nat tuar zo a si thawn Zaw Min Htun in a sualpi bet ruangah a bese deuhdeuh ih Kalaymyo sizung panpi hngal a rak si. Sizung ahcun sibawi pawlin theitawkin an tuamhlawm nan pitar cu zan nazi 11pm ah a nunnnak a cem.

Thilthleng thawn pehpar aw in pitar fanu cu thubuai thehluttu le dinpitu a si ih pawlkom phunphun in an dinpi bangin pitar sualpitu Zaw Min Htun cu August 19 ah thi dingin a tlun thu relcat a si. Hridai in awh that ding a si ih ziangtikah an awk that ding timi cu phuan a si hrih lo. Cumi tlunah thih dan pekmi Zaw Min Htun cun Naypidaw le President zung ah ngaithiam dilnak ca a thehlut thei lai ih hremnak cu danglam thei lai a si. ( Kalaymyo News )

Be the first to comment

Leave a Reply

Your email address will not be published.


*