Nazi 5 Hnuah Kalaymyo Cetzung Sung Ih Inn Kang An Mit Fel Thei

Tuini August 20, zanlam nazi 5 hrawngah kalaymyo cethmuh zung ah datsi retnak inn a kang ih theitawkin mei mit rero a sinan, Inn a kang hnu nazi 5 lawngah mei an mit fel thei fang tiah theih a si.

Inn kang cu Kalaymyo cethmuh zung sung datsi retnak inn a si ih a kang veten mipi tlunah meimit mawtaw in an pan cih ,an mit ciamco nan, datsi retnak inn a si tikah duhvekin mipi in an naih ngam lo, an mit ngam lo ih meikang cu nazi reizet sung buaipi a si. Ahleice in mipi cu Inn kang naih lo dingin theihter an si ih ṭuanvoneitu lawngin thilri le humhimawknak thawn Inn kang cu theitawkin an mit.

Inn kang cu duhvekin pan ngam le naih ngam ding a si lo tikah kiangkap inn dang kang lo dingin kilhim cu meitat le mipi ṭuanvo a si ih kiangkap inn kang lo dingin kilhim ruangah le inn kang meisa mit ruangah mi 12 hrawng hriamhma an tuar. Hriamhma tuar zaten kalaymyo pituh sizung panpi cih an si ih dinhmun ngaihtuah um le bese tuk an um lo.

Mipi , meimit mawtaw le ṭuanvoneitu pawl ṭanrualnak ah inn kang cu Myanmar caan nazi 10:35pm ah an mit fel thei nazi 5 sung rori buaipi a si tiah kalaymyo thuthang phuangtu IPRD cun a tarlang. Inn kang ruangah mithi an um lo ih sumpai in cemral zat khal theih a si hrih lo. Inn kang sung a rei zet nan ,inn dang kang kai lo dingin an kilhim thei ih inn kang khal an mit fel thei zo a si.

Be the first to comment

Leave a Reply

Your email address will not be published.


*