NUG Cozah In Ting 30 Man In Mindat Raltlan Mipi Pawl Bomnak A Pe

Chin ramkulh Mindat peng ih raltlan harsa pawl cu NUG in a hmaisabiknak hrangting 30 bomnak thilri a kuat thu, tuini may 29 ah mipi theihternak a nei.

Ting 30 man bomnak ahcun eiin, sinfen , thilri , ihphah, moka , sii le thildang phunphun an tulsammi pawl lei a si. Mindat peng sungah ralkap tih ruangih tlan mipum 13000 hrawng an um ih khua 14 ah relh mipum 500 hrawng a um. Cumi pawl cu tuini ah bomnak an pekmi a si.

Raltlan pawl bomnak pek ding cu thil olsam lo zet a si ih ralkap pawl hmuh lo dingin buaipi le phurh a si ruangah a phunphun in an zuam hnuah bomnak pe thei an si thu NUG Ministry of Management cun tarlangnak a nei. Culawng siloin bomnak an pek lai zuk khal fiang tukin an tar ngam lo ih petu pawl himnak hrang rau diadi lawng an tar men a si.

Be the first to comment

Leave a Reply

Your email address will not be published.


*