NUG Cozah Le Chin Ralkap CNF In Lungkim Tlangnak Hminkhen An Ngan

Myanmr ram ralkap uknak dokalh dingin le Federal Democracy uknak thlengsuak dingin NUG cozah le Chin ralkap CNF cun lungkim tlangnak hminkhen an ngan fel tiah NUG in tuini May 29 ah mipi theihternak an nei.

Lungkim tlangnak ahcun pawlkom pakhat le pakhat sinak theihpi aw in khat le khat upatawknak tlunah ralkap uknak do tlangin, Federal Democracy uknak thlengsuak dingin tuantlang ding timi a tel. Cumi lo thildang thupi zetzet khal remawknak an neih nan, ralkap uknak cu lungrual zetin an do tlang ding thu le Federal Democracy hrang an zuam tlang ding cu mipi an theihter hrihmi a si.

Pawlkom pahnih thurelnak ahcun NUG lamin Vice president Duwa Lashi La , PM Man Win Khaing Than ,Naing Htoo Aung le U Yee Mon pawl an tel ih CNF lamin hotu lubik Pu Zing Cung, hotu sang Pu Lian Hmung Sakhong le Sui Khar pawl an tel ve tlunah midang hrekkhat khal an tel a si.

Be the first to comment

Leave a Reply

Your email address will not be published.


*