Pu No Than Kap In Ralkap Meeting A Kainak San Mipi Simfiangnak A Nei

Tuisun ah Ralkap dinmi UEC thar cun avei hnihnak meeting an tuah ih ramsung party 93 hrawng um lakah party 59 an tel. Cumi sungah Chin party CNLD hmin khal tarlang a si ih mipi an buaizet.

Asinan, neta ah Chin party CNLD chairman Pu Ngai Sak cun ralkap meeting kai ih CNLD hmin a langnak san cu Meeting ah Pu No Than Kap a kai ruangah a si thu a rel ih Meeting ih Pu No Than Kap a kai cu CNLD in an theihpi lo thu,kai lo dingin an sim rero hnuah amah bulpak in a kai thu pawl a rel. Cumi thuhla Ah Pu No Than Kap khal in a hnuailam bangin simfiangnak a nei ve.

Pu No Than Kap cun “SIMFIANGNAK, CNLD ihsin keimah bulpak cun March 31, 2021 ah ka cawl zo na’n tulai boruak thawn EC in ka “suahnak ca” an hmukim loih party sungtel vekah in ruat hrih. Tuisun ih UEC meeting khal CNLD hmin in ka kai lo, hnațuan thudang thawn Naypyidaw ka thlen laifang a si ruangah țuanpi rualpi pawl ka va cibai phah men mi sawn a si,” tiah a ti.

Be the first to comment

Leave a Reply

Your email address will not be published.


*