Ralkap Bawi Cun Thantlang Mino Pawl Hnenah Kahawk Kan Duh Lo Tiah A Dil

Mizan lamah Chin ramkulh Thantlang khawpi kiangkap ah meithal puak awn theih a si ih Thantlang mino cun ralkap hmun hrekkhat an kap tiah rel a si. Kahawknak ah thi le hriamhma tuar an um thu theih a silo ih ralkap lam cun kahawk an duh lo thu Mino pawl an simthei.

Thantlang ralkap bawi pakhat cu tuini may 23 ah Thantlang khawpi ih Baptist biakinn ah feh in khawm an ban zawngah upa pawl a bia ih Thantlang mino pawl ton a duh thu le buainak an duh lo thu a simthei.

Ralkap bawi cun “Ahlan khalah Thantlang mino’n in kap dah ih mizan khalah in ra kap cu um a nuam lo nasa. Kannih cun meithal hmang loin daiten kan zate umkhawm kan duh. Curuangah khua mipi pawl cu daiten um men ko uh. Mawtaw lut le suak khal kan siang dingih fangfai le eiin phur khal kan kham lo ding, kan kai lo ding. Thantlang khawpi ahcun kap aw loin daiten umkhawm men uhsi,” tiah a ti.

Mizan , May 22, zan nazi 9:15 hrawnah Thantlang khawpi kiangih ralkap sakhan kiangkap ah meithal puak awn vei 15 hrawng le bomb puak awn vei 2 cu khua mipi in an thei ban. Ralbawi cun khawm bang upa pawl a biakmi a si ih mino pawl thawn cun biakawknak an nei hrih lo tiah theih a si.

Be the first to comment

Leave a Reply

Your email address will not be published.


*