Ralkap Meeting Ah Pu No Than Kap A Tel ,CNLD Lam In Kan Theihpi Lo An Ti

Tuini may 21 ah ralkap ih dinpi UEC thar cun avei hnihnak meeting an ko ih party 59 an tel tiah tarlang a si. Cumi sung ahcun Chin party CNLD hmin khal a lang ve ih CNLD chairman Pu Ngai Sak suh a si tikah a hnuailam bangin a rel.

Pu David Ngai Sak cun “Kan theih dan vek asile CNLD hmin in ralkap ih dinmi UEC thar meeting kaitu cu Pu No Than Kap a si. Pu No Than Kap cu UEC meeting kai lo dingin kan simthei ih ca khal kan kuat. Asinan, cuvek cingin ziangruangah meeting a rak kai timi cu kan the lo. Tu ah zingzoinak kan nei rero ih thu felfai kan theih tikah thu kan suah cih ding a si,” tiah a ti.

Thilthleng thawn pehpar aw in Pu No Than Kap cu thuhla sut dingah phone rero a sinan, a phone call theih loin a phih thu an rel. Tuih dinhmun Chin party CNLD ah Chairman tuantu cu Pu David Ngai Sak a si ih Pu No Than Kap le Pu Zo Zam cu Chiairman si nawn loin thurawn petu ah ret an si.

Be the first to comment

Leave a Reply

Your email address will not be published.


*