Ram Hrang A Nun Hlantu Miraltha Salai Cung Nawl Piang Ih Thucah

Chin paraltha Salai Cung Nawl Piang cu ,may 21 zingih ralkap le Falam CNDF doawknak ah ram hrang a nun hlanin mual a liam. Salai Cungte cu Mizoram Aizawl in a nulepa fehsan ih Falam CNDF lut a si.

Mizoram suahsan in Chinram a tlun ding zawngah a rualpi tha pawl le a duhdawtmi pawl hnenih a thucah cu “Ram hrangih ka nunnak a cem asikhalle,Ram duhdawttu Miraltha Salai Cungte cu a ram hrang a nunnak a hlan” tiah run ngan uh tiah a ti. A nulepa tlunah a sungte le rualpi pawl khal in an dawn rero nan, ram a duhdawt tuk ruangah don theih a rak silo ih Falam CNDF ah a rak lut.

Amah ngaihtuah zettu le siang lo zettu a Nui’ hnen ahcun “Ka nu! i ruat har tuk hlah, nehnak kan co asile ka ratlung sal ding. Ka arcang khal rak that hrih hlah uh maw,” tiah a ti. Salai Cungte cu Pa Tha Rian Mang le Nu Saw Kip Thiam ih fapa, falam peng khuangli khuami a si.

May 21 zingih Falam CNDF le ralkap doawknak ahcun CNDF lamin Salai Cungte kan can ih ralkap lamin ralkap bawi pakhat le a dang ralkap 5, an zaten ralkap 6 cu a hmunah an thi, Ralkap 2 cu hriamhma tuar cingin an tlansuak ngah tiah CNDF cun mipi theihternak an nei zo a si.

Be the first to comment

Leave a Reply

Your email address will not be published.


*