Caan Reipi Christian Biakinn Ih Hmanmi Cu Muslim Biakinn Ah Hman A Si

Turkey President Recep Tayyip Erdogan cun Istanbul khawpi ih Orthodox Christian biakinn hlun zet pakhat cu Muslim biakinn ah a tuah. President cun UNO hnuai ih um UNESCO in leitlun rosunglawi ih a siarmi Orthodox Christian biakinn hlun le ropi zet Hagia Sophia khal thlakhat liam zo ah Muslim biakinn ah a rak tuah zo.

President Erdogan in hivekin Christian biakinn pawl Muslim thlacamnak hmunih a tuah vivo cu Covid19 ruangih an ram economics tlaniam, hmailam caan hrang ecnomics dinhmun ciangkuang lo le an ram sumpai dihmun tla niam tuk ruangah a lam ṭang mipi pawl thinlung buai le sakhuanak ngaithupi pawl thinlung a neh theisal beisei in a tuahmi siko ding tiah ruat a si.

President Erdogan ih thil ti ruangah ramdangmi pawl an lungawi lo zet ih a hleice in Greece ram ih Orthodox kawhhran pawl thawn an karlak thu a ṭha lo hleice. Greece Foreign ministry cun “Turkey in hmun tin ih sakhawmi pawl huatawknak a tuah rero a si” tiah thu a rak suah phah ve.

President Erdogan cun August 21 ah “Holy Saviour in Chora” timi Christian biakinn cu Muslim biakinn ah a tuahmi a si ih kum zabi 14 hrawngih a phar an ceimawi tharmi Christian hmaisa pawl ih sunhnu sunglawi zet pakhat a si. Himi hlan kan dung thla khalah Christian biakinn hlun le ropi zet Hagia Sophia cu Muslim biakinn ah a rak tuah zo.

Hagia Sophia biakinn cu kum 1000 lenglo rei biakinn ropi le khawmnak ih an rak hman zomi a si ih Turkey ram cu biaknak hnget um lo ding timi daan an tuah hlante ralpi vei 2-nak cemzawng ah museum ah an rak tuah. Cuṭheh in kan dung thla ah Muslim biakinn ah an cantermi a si. ( Reuters )

Be the first to comment

Leave a Reply

Your email address will not be published.


*