China Ah Ni 2 Peh In Ling A Hnin Ih Inn Siat , Lilawn Cim Le Mithi Khal An Um

China ram ah ni 2 peh in ling a hnin thu China cozah cun mipi theihternak a nei ih may 21 le may 22 ah a si. May 21 ih linghnin ruangah China cozah offical cun mi 3 an thi ih mi 27 hriamhma an tuar tiah thu an than.

May 21 ih linghninnak hmun cu China ram , Yunnan ramthen sungah a si. Linghnin cu 6.4 magnitude tluk ih naa a si ih zan nazi 9 le 11 karlak ah a hnin. Linghnin ruangah Yangpi khua ih um mi pahnih an thi ih Yongping Country ih um mi pakhat a thi ve. Mi 3 hriamhma besia an tuar ih a dang mi 24 cu hriamhma teneu an tuar. Linghnin ruangah inn siat , luah tha lo tivek a um ih hmunhim ah thawnmi innsang 20000 lenglo an um. May 21 zan lawngah vei 2,3 in ling a hnin.

Linghnin neta sawn cu May 22, zarhte zing nazi 2am hrawngah a si ih China ram Qinghai ramthen a si. Zarhte zing ih linghnin cu 7.4mg tlukih naa a si ih mithi cazin le hriamhma tuar cazin cu China cozah in felfai in phuannak an nei hrih lo. Qinghai ih linghnin ruangah lilawn cim le inn siat hrekkhat a um ih innsang tamzet cu hmunhim ah thawn an si.

China ram cu leitlun ah linghnin tamzetnak ram pakhat a si ih kum tinten linghnin an tuar deuh ringring. Hrekkhat in China ram Sichuan ih linghnin ah mi 179 an thi tiah an tarlang cu 2008 kum ih thilthleng a si. Tuitum linghninnak hmun cu China ram Yunnan ramthen le Qinghai ramthen lawngah a si. ( China Today,Reuters ,BBC )

Be the first to comment

Leave a Reply

Your email address will not be published.


*