Christian Ngaihzawng A Neih Ruangah Kum 17 Nute Cu A Nulepa In An Hrem , An Vel

Frace ram Besancon khawpi ah kum 17 mi fala nute cu Christian ngaihzawng a neih ruangah a nulepa tlunah a pate le nute tiangin an vel ih a hnar ruh kiak in a sam khal meh kolh sak thluh a si.

Falanu cu Bosnia Herzegovina ram in France ram ih an ṭhawnnak kum 2 tluk lawng rei a si ih an umnak Innpi kiang ih um Christian mi Serbia tlangval thawn ngai aw an si. Inn hnen ngai aw an si tikah an nulepa veve khalin an theihpi ih buainak zianghman an nei lemlo. Asinan, neihawk an tum cu nunau lamin “Kannih cu Muslim kan si ih kan fanu in pasal ah Christian a nei thei lo” tiin mipa lamih sawmnak cu an hnonsak.

Cumi tlunah an fanu ih phone an lonsak cih ih a ngaihzawngpa cu be thei nawn lo dingin an tuah. An Inn khat pakhat ah an khum ih an fanu cu a sam an kolh sak, an vel , an hrem ih a hnar ruh khal a kiak. Thilthleng thawn pehpar aw in mipa lamin palik an theihter ih palik pawl cun fala nute cu a nulepa inn ihsin an hruai suah hnuah hmunhim ah an ret zo.

A nulepa cu palik lamin an kaih hnuah amahkhan in an suah sal zo ih thubuai cu Court ah daan bangin rel peh rero lai a si. An fanu cu a nulepa in be thei lo dingin le tibuai thei lo dingin hmunhim ah ret a si ih a nulepa cu mai fate rori kut thlak le a duh lo cingin nor lut thubuai orhter le thusuh rero lai an si. ( Daily Mail )

Be the first to comment

Leave a Reply

Your email address will not be published.


*