India ram Sungah Covid 19 Natnak Hnakin Caksawn Natnak Thar A Darh Vivo

India ram sungah covid 19 natnak in caksawn “Black Fungus” lole “Mucormycosis” an timi cu a darh cak zetih India ram sung State 11 ah nat nei hmuh a si zo. Black Fungus natnak cu covid 19 nat nei lai lole covid 19 natnak in dam zo,cawr ringring le thisen sang nat nei pawl in an nei duh tlangpi tiah India mithiam pawl cun an rel.

Tui dinhmun India ram sungih Black Fungus nat nei an hmuhnak State 11 pawl cu Maharastra, Rajasthan, Gujarat, Telangana, Tamil Nadu, Odisha, Karnataka, Delhi, Bihar, Haryana,le Assam state pawl an si. Maharastra state lawngah Black Fungus nat nei 1500 an hmu zo ih cumi sungin mi 90 an thi zo. New Delhi khawpi sungah Black Fungus nat nei 200 an hmu zo. Covid 19 natnak thawn zomawknak a nei dingah ruah a si ih cuap natnak phunkhat a si tlunah minung cuap rori eisetu natnak a si.

Minung cuap a eisiat tlunah Black Fungus nat nei cu sia le tha theihnak tiang a hlo thei ih mibang lo suah olte a si tiah India cozah cun mipi ralrinnak a pe. Black Fungus nat nei cu Eye surgeon, ENT specialists, General Surgeon, Neurosurgeon, Dental Maxillofacial Surgeon, Amphotericin-B injection le Antifungal Medicine tivek hmangin tuamhlawm an si. Covid 19 natnak hnakin a danglamnak cu vun a eiro, a ei siat ih cuap a eisiat dan cu covid 19 natnak in a caksawn.

Cumi hnakin tihnung sawn cu White Fungus a si ih India ram sungah nat nei 4 hrawng an hmu zo. White Fungus cu cuap lawng siloin minung tin ,vun ,pum le kal le thluak tivek a eisiat thei ih hrisel damcak lo ,thisen sang nat nei tlunah covid 19 nat nei in an kai pang asile an dinhmun a se cak tuk tiah India cozah cun thu a suah fel zo a si.

Be the first to comment

Leave a Reply

Your email address will not be published.


*