Online Camibuai Hrang Net Um Ṭhatnak Hramlak Ah Ca A Zoh Ringring

Covid 19 boruak ruangah ram tamsawn ih tlawng tamzet khar a si ih net ṭhatnak ram ahcun online ih cazir a lar zet. Ahleice in Covid 19 nat tamzetnak India ram cu tuini tiang tlawngkai thei ding dinhmun a si lo ih hramthok tlawng ihsin phunsang tlawng tiang online in tlawngkai thluh a si.

India ram Maharashtra State Koukan peng Kankavali khua ih um Sunita khal Mumbai Goregaon College ah MBBS zirlai a si ih covid 19 boruak ruangah an tlawng cu online lawngin cazir ve a si. Zokhal tlawginn ah riak in cazir an um lo ih lockdown hlanah an khua ciarah tlunter thluh an si. Sunita khal khua a thleng cu a duhvekin ca a zir thei lo ih an inn in net a hmu thei lo.

Net umnak hmun cu a hawl vivo ih an khua ihsin ke in minute 25 tluk feh ṭulnak hmunah net ṭhazet a hmu. Cunah cun a nau thawn bukte an sak ih cazirnak le zohnak ah a hmang. Zinglam nazi 7am in cazir a thok ṭheu ih sun cawlh caan ah rawl zawh in a tlung ṭheu. Rawl ei khawh veten cazirnak bukte cu a pan sal ih zanlam nazi 6 tiang hramlak bukte ahcun ca a zir ih a zoh ringring.

Hivek in a zuamnak, ca zir theu cu a rualpi pawl in an hmuh tikah mak an tizet, a zuamnak an uar tukih Mumbai khawpi ah ṭhawn ve dingin an sawm rero nan, sumpai tampi cem in Mumbai khawpi ah inn a sang thei  fawn lo,Camibuai an ṭheh hlan sung cu hramlak net umnak hmunah ca zoh in camibuai tuah fel a tum a si. ( Maharashtra Times )

Be the first to comment

Leave a Reply

Your email address will not be published.


*