Rev.David Lah In Insein Thawnginn Hrang Tidai Thiang Tuahnak Cet Ting 200 Lenglo Man Hlu

Pathian hnaṭuan Rev.David Lah cu Covid 19 daan thlun lo tiin thubuai tuahsak le Yangon Insein Thawnginn sungah khum a rak si ih August 14 ah hremnak cemfel in thawnginn suahsan fel zo a si.

Rev.David Lah cu Covid 19 daan a thlun lo ruangah tiin thla 3 sung thawngtla dingah hremnak pek a si ih thuṭhen fel a si hlanin thawnginn sung rak um cia a si ruangah thawnginn sung a um caan hmuahhmuah cu siar thluh a si ih August 14 ah thawnginn sung a um ding caan cem in Insein thawnginn  a rak suhsan thei.

Asinan, ramdangmi sinak nei a si ruangah thawnginn sung in a suah veten a umnak ram pan hngal dingah thupek a si ih August 14 zan rori ah Thailand ram pan in a zam cih. Cutin, Thailand ram in a umnak Canada ram cu tlungten a thlengfel zo.  Thawnginn sung in a suah zawngah Rev.David Lah cun Insein thawnginn hrang tidai thiang tuahnak cet ting 200 lenglo man a hlu tiah Insein thawnginn ṭuanvoneitu le Yangon ramṭhen huaitu hnenin theih a si tiah Dr.Charity Htoo cun Vapual Auaw a simthei. Tidai thiang tuahnak cet cu thawngtla pawlin tidai ṭha an in theinak ding hrang Rev.David Lah in a hlumi a si.

Be the first to comment

Leave a Reply

Your email address will not be published.


*