Benjamin Sum Ih Hla Thar Fing Hnihnak Cu Mipi Duh A Co Ih Laksawng Petu Ngah

Myanmar Idol season 4 ihsin Myanmar pumhuap mipi theih le lar hlasakthiam Benjamin Sum cun Idol zuamawknak ṭheh hnuah a hla thar fing hnihnak cu tuini August 18 ah mipi hrang a thlah ih mipi a co tlunah lungawipinak laksawng a dong rero zo.

Ben Ben ih hla thar fing hnihnak cu “Khatlam Inn ih Fala nute” timi kawl hla a si ih a saktu a thiam , hla a mawi ,fale tlangval hrang hla thu a ṭhat tlunah lemcang hrimhrim zoh a nuam tuk cu mipi in an duh zetih nikhat hman cem hrih lo ah ting leng zohtu an um zo. Himi a hla thar Ben Ben cu  a mip pawlin laksawng an pe rero ih tangka ih tuahmi pangpar ṭawn a don tlunah thildang phunphun khal a dong rero zo.

Himi tlunah Benjamin Sum cu Joox Myanmar ah kum hrek sungih hlasakhthiam larbik ih hril a si ih Myanmar rampum huap hlasakthiam tampi hlanin mipi hriltlin a si. Hivekin hlawhtlinnak a ngah vivomi ah a mipi pawl a thupi zetih Idol cem hnuah tha thlah loin tha an pek ringring thei. Benjamin Sum cu Myanmar Idol season 4 zuamtu lakah mipi nei ṭha tuk rori a si ih Idol a cem hnu khalah a tuahmi ziangkim thazang an pe ih midang tluk lo khopin an dingpi ringring thei a si.

Be the first to comment

Leave a Reply

Your email address will not be published.


*