Hlasakthiam Benjamin Sum Ih Hla Thar Zohtu Million A Kim

Hlasakthiam Benjamin Sum ih hla thar “Chhingmit In Biahthu Kan Hlan” timi Offial Lyric Video cu tuini May 29 ah zohtu one million a kim thei. Youtube ah lai hla siseh ,mizo hla khal One Million view nei thei cu lungawiza ngaingai a si ih one Million view nei ding cun hla tha, mipi duh tlunah mipi duhmi hlasakthiam sikhal a tul.

Benjamin Sum cun “Chhingmit In Biahthu Kan Hlan” timi Offial Lyric Video cu may 18 ah youtube ah a retih ni 12 kimnak tuini may 29 ah one million view kim thei a si. Covid 19 natnak ruangah Official Music Video an suah thei hrih lo ih remcang ah tawlrel peh ding a si.

Ben Ben cun Mizoram ih a tuahmi hla ziangkim Myanmar raltlan bomnak hrang a thawh ding thu mipi an rak theihter zo ih ,Myanmar raltlan le Chin raltlan bomnak khal a rak pe rero zo. Ting 60 cu Myanmar raltlan hrang a kuat zo ih Rs.40000 lenglo khal Mizoram ih Chin raltlan bawmtu pawlkom hnenah a rak pe zo. “Chhingmit In Biahthu Kan Hlan” timi hmangih a ngahmi sumpai khal raltlan/harsa bomnak hrang tuahmi a si.

Hitin hlasakthiam Benjamin Sum cun Youtube ah million view hla fing 3 a nei zo ih “Hobak Eainka Kaung malay, Chhailai Di Lenna le Chhingmit In Biahthu Kan Hlan” timi pawl an si. Ben Ben ih hla thar “Chhingmit In Biahthu Kan Hlan” timi cu Mizoram mipi tlunah Mizoram milar pawl khal ih duh tukmi a si ih harsa bomnak hrang tuahmi ah zohtu million a kim thei cu kan lungawipi ngaingai a si.

Be the first to comment

Leave a Reply

Your email address will not be published.


*