Joox Myanmar Kum Hrek Sungih Hlasakthiam Larbik Laksawng Ngahtu Benjamin Sum

Hlasakthiam Benjamin Sum cu Myanmar rampum huap Joox Myanmar kum hrek sungih hlasakthiam larbik ah hriltlin a si ih laksawng cu August 21 ah a hnenah hlanfel zo a si.

Joox Myanmar cun kum hrek sungih hla larbik le hlasakthiam larbik cu a mipi pawl a hrilter ih sumpai heu ṭul loin a lak rori ih vote thei in mipi vote lakmi a si. Himi ah Myanmar ramsung ih hlasakthiam lar tamzet lanin Benjamin Sum cu Joox Myanmar kum hrek sungih hlasakthiam larbik ah vote hmu tambik a si ih a hnenah laksawng an hlanfel zo.

Joox Myanmar kum hrek sungih hlasakthiam lar a hrilmi 5 pawl cu Benjamin Sum , Phyo Myat Aung , Ar-T , Sai Sai Kham Leng le Chan Myae Mg Cho pawl an si. Kum hrek sungih hla lar 5 an hrilmi pawl cu Pahnihnak pathian ( Phyo Myat Aung ), Feh Ko aw ( Phyu Phyu Kyaw Thein ), Zanmang ( Ar-T ), Loser ( Chan Myae Mg Cho ) le Malte Talin I Duh Aw ( Eaint Chit ) pawl an si.

Myanmar Idol season 4 zuamawknak ihsin Myanmar rampum huap mipi theih hlasakthiam Benjamin Sum cun Idol ṭheh hnuah bulpak in hla fing hnih a suah zo ih a suahmi hla fing hnih cu mipi duh co zetin zohtu ngamzet nei veve an si. A hla hmaisa sawn ‘Tonsal Ding Ni” timi cu nikhat le nazi 6 sungah zohtu One Million a kim thei ih a hla neta sawn “Khatlam Inn Ih Fala Nute” timi cu nikhat hman ṭul loin nazi 15 sungah One Million zohtu an kim man. Myanmar Idol season 4 zuamawknak ih tel midang tamzet khalin bulpakin hla an suah cece zo nan , tuini tiang zohman One Million kim thei zohtu nei an um hrih lo a si.

Be the first to comment

Leave a Reply

Your email address will not be published.


*