Milar , Model Le CDM Tuah Pawl Tel In Mipum 42 Cu Thailand Ram Ah Kaih An Si

Tulai kan ram buainak ruangah India ram lawngah siloin Thailand ram lamih tlan an tam zetih Thailand cun ramsung ah daan loin lut Myanmar mipawl cu ramri ah an kai rero. May 23 khalah Myanmar in Thailand ramsung ih lut mipum 42 pawl cu Thailand ramsung ah kaih an si.

Cumi mipum 42 lakah Myamar milar , model , lemcangthiam le CDM tuah tivek an tel thu anmah buaipitu cun a rel. Milar pawl cu ralkap in thubuai an tuahsakmi pawl an si ih CDM tuah khal Myanmar ramsung ah an him lo tlangpi thlang.

Thailand ramri kil palik pawl ih kaihmi Myanmar mi 42 pawl thuhla ah anmah buaipitu U Moe Kyo cun “Myanmar ram Tachileik in Thailand ram Chiang Rai ah ralut an si ih palik in an rak kai ngah. An zaten mipum 42 an si ih palik kut ahcun an um hrih. Tuitum cu mak danglam zetin kaihmi pawl lakah lemcangthiam, Model , milar le CDM tuah pawl an tel. Myanmar ih an him lo ruangah tlan an si ih Thailand raltlan hmunah kuat dingin Thailand cozah hnenah kan dilsak rero lai a si,” tiah a ti.

April le May thlasung lawngah Myanmar in Thailand ramsung ih tlan Myanmar mi mipum 700 hrawng cu Thailand palik pawl in an kai zo ih ,kaihmi dinhmun in an thuhla rel le tuah an si. Myanmar ih buainak nei lo,hnatuan ding men ih feh cu Myanmar kuat kirsal an si khalle an hrang buainak ciamco a um lo. Asinan, kaih ding thusuah ruangah Thailand ram ih tlan kaihmi pawl cu kuat kirsal an si hrih lo a si.

Be the first to comment

Leave a Reply

Your email address will not be published.


*