Myanmar Idol Season 4 Top 10 Ih Tel Nay Lin Kyaw Cu Pukmah 377 In An Kai

Myanmar Idol season 4 zuamawknak ih tel hlasakthiam Nay Lin Kyaw cu nunau mipat thu ah pukmah 377 hmangin kaih a si ih thawnginn sungah khum hlenhli a si zo.

Nay Lin Kyaw cu nunau pakhat in a hek ruangah August 25 ah kaih a rak si ih Dawpungta thawnginn ah khum hrih a si. Thubuai thawn pehpar aw in September 4 ah Court feh ding a si ih an heknak vekin Court in a mawh tiah hremnak a pe asile pukmah 377 cu damsung le kum 10 hnakih mal lo hremnak pek theih a si.

Pukmah 377 cu mipa le mipa , mipa le nunau , nunau le nunau , minung le ramsa karlak ah daan pahbal in nupa sinak hmanpi,lole khatlam duhnak tel riai loin linglet zawngih nupa sinak hmanpi tinak a si ih a tlunih tarlang zo bangin hremnak naa zet pek theih a si.

Cuti rualrual in zo a mawh , heknak vekin Nay Lin Kyaw a sual taktak maw timi cu Court ah relfel ding a si. Cumi tlunah Nay Lin Kyaw hektu nunau cu tuhrih ah zo a si timi theih a si hrih lo ih Septermber 4 court a feh caan ah zo a si timi khal felfai zetin theih a si ding.

Nay Lin Kyaw cu Myanmar Idol season 4 zuamawnak ah top 10 dinhmun tiang thleng thei a si ih top 8 hrilawknak ah tling nawn loin Myanmar Idol rak suahsantu a si. ( BBC )

Be the first to comment

Leave a Reply

Your email address will not be published.


*