Paing Takhon Thubuai Tuahsaktu Palik Bawi Cu Thu An Sut Thok Thlang Ding

Myanmar ralkap in anmah dokalh ruangah an kaihmi lemcangthiam Paing Takhon cu Court ah vei 2 fehpi zo a si ih avei thumnak ahcun amah thubuai tuahsaktu palik pa thusuh a si thlang ding thu sihni in a rel.

Paing Takhone Sihni U Khin Maung Myint cun “Paing Takhon ih thubuai zohfeltu dingah thuthentu a um ih kei cu amah dinpitu ka si. Thubuai cu lolam zetah ruah a si ih may 4 in fehpi thok a simi cu ni 180 sungah theh tengteng dingin thubuai fehpi ding a si. Hmai thla June 9 ahcun Paing Takhon hektu palik bawi Myo Myit Aung cu Court ah thusuh thok ding a si.

Paing Takhon siseh milar hrekkhat thuhla cu dik lo zetin a thang theu. Asinan, an rel vek a silo ih zarh khat veikhat lole zarh hnih ah veikhat tal cu Court ih tiam ni vekin kan feh ringring. An zaten an damtha thluh ih harsatnak le buainak picang an nei lo a si,” tiah a ti.

Paing Takhon cu April 8 ah ralkap pawl in an rak kai ih Yango Insein thawnginn ah khum a si. Milar dang Pyay Ti Oo tei nupa thubuai khal Court ah rel thok rero a si zo thu theih a si.

Be the first to comment

Leave a Reply

Your email address will not be published.


*