Tuvek Ah Sungkua Hnakin Thupi A Um Lo, In Telh Buai Hlah Uh Titu Myint Myat

Myanmar ram buainak ah lemcangthiam tamzet cu ralkap dokalh in theitawk an cangvai ih kaih tuar khal tampi an um. Cumi sungah Lemcangthiam Myint Myat khal February thla thok ahcun ralkap uknak duh loin lam a rak zawh ve dah nan, ralkap lam an hrang vivo cu a dai reprep ih ralkap titoih puai tla a va hmang.

Ralkap titoih puai ahcun a rualpi capoh lemcangthiam Ding Dong le hlasakthiam Yone Lay pawl thawn an tel. A thok ah Myint Myat cu a pha lawk nan, neta ah ralkap titoih puai ih an telnak pawl cu pholang thluh a si ih a pha thei nawn lo. Tu khalah daiziar in a um hiahhi men cu mipi in an relse cece.

Cutikah Myint Myat cun “Tuvek caan ah sungkua tlukih thupi ziangdang hman a um lo. Ram thuhla politics cu a hlan ihsin ka buaipimi a silo tikah ka lunglut dah lo hrimhrim. Neta ah ka theithiam vivo leh dingah ruat sehla,cubak relfiang ding ka nei lo a si,” tiah a relfiangawknak cu Myanmar Cele News in a tarlang.

Neta ah ting 2 lawng thluntu nei Myint Myat ti aw ve cun cuvek relnak ka nei lo tiah thu a suahsal nan, mipi cun an zum thei nawn lo ih an aihal thluh. Ziangahtile, ralkap titoih puai ih a feh le a rualpi Yone Lay a dinpi vivo cu an theithiam thei lo a si.

Be the first to comment

Leave a Reply

Your email address will not be published.


*