Chinmi Palik Pakhat Cun Anmah Hotu Sang Cu Meithal In A Kap That

Sagaing ahmat 16 ih kilhim hnatuan chinmi palik pakhat cun anmah hotu sang palik bawi pakhat cu may 24 ni ah meithal in 20 lenglo a kap ih palik bawi sangtu cu a nunnak a cem cih tiah KTM ,DVB tlunah Myanmar thuthang rinsan tlak pawl in an tar thluh.

Palik hotu sang le amah kap thattu chinmi palik cu an dintlar laiah tongkam el aw an si ih an thu a hmu nawn lo lanta. Zinglam ih tongkam el aw cu sun hnu tiang an rem aw thei lo ih khat le khat an el aw peh rero hnuah chin palik cun anmah hotu sang palik bawi cu meithal in a kap that lawlaw.

palik hotu sang thi

Hotu sang kap thattu palik cu Chin ramkulh sungih suak tlangpar miphun Chinmi tiah tarlang a si ih an kai tiah rel a si. Khuami pakhat cun “Sun nazi 1 hrawngah a si ih meithal kahawknak ruangah hotu sang palik a thi. A kaptu cu Chin miphun a si. Zinglam nazi 7 hrawngin tongkam el aw zo an si ih sun nazi 1 tiang tongkam an el aw peh cu Chin palik cun hotu sang Zaw Khin cu a kap that lawlaw a si,” tiah DVB thuthang a simthei.

Be the first to comment

Leave a Reply

Your email address will not be published.


*