Christian Pawl Ih Dilnak Ngai Poimawh Loin Myanmar Ralkap Cun Biakinn An Kap

Kaya ramkulh Demawso khawpi ih St.Joseph’s Biakinn cu Myanmar ralkap in Christian pawl ih dilnak ngai poimawi loin may 26 sun ah methal in an kap ih biakinn hmailam hrekkhak le thlalang kuai tivek a um.

Ralkap in biakinn hmailam le thlalang pawl a kahsiatmi cu may 27 zingah mipi hmuh dingin pholang a si ih ,pholangtu mipi humhimtu lam cun biakinn cu tansan ih an hman lo thu le a sungah an relh lo thu an rel cih. Myanmar ralkap cun may 23 khalah Kaya ramkulh Kayan Tharya khua ih biakinn cu bomb a rak thlak zo ih mi 4 an thih phah. Cuvek ruangah Myanmar Christian pawlkom cun ralkap hnenah biakinn cu kap nawn lo dingin ca an kuat.

Asinan, ralkap pawl cun Christian pawl ih dilnak cu ngai poimawh loin Kaya ramthen ah biakinn 3 an kap thlangih ,Biakinn ah hriamhrei kai pawl an relh, umhmun an khuar, cumi ruangah kap kan si tiin MRTV ah an suah bet. Kaya ramkulh ah mipi humhimtu le ralkap doawknak a sosang tukih mipi humhimtu lam cun Biakinn cu tansan ih an hman lo thu an rel ve a si.

Be the first to comment

Leave a Reply

Your email address will not be published.


*