Japan Cun A Ram Tuah Tlangleng Cangkang Khan Thar Cu Myanmar Hrang Dingah Kuat

Covid 19 donak hrang dollar tamzetin Myanmar ram bawm zotu Japan cun a ram tuah tlangleng khan cangkang cu Myanmar hrang dingah a kuat fel zo thu a tarlang.

Diesel Electric Multiple Unit (DEMU) tlangleng cangkang cu Yangon le Mandlay karlak tlangleng zin ih tlan ding a si ih August 21 ah Japan cun a ram in Myanmar ah a kuat fel. Japan ih kuatmi tlangleng khan thar cu ramdang tlangleng bangin cangkang le sanman a si ih hahdam zetin Yangon le Mandalay karlak ah tlangleng in feh a theih thlang ding.

Japan in tlangleng inn khan Myanmar hrang a kuatmi pawl cu lawng in phurh a si ih Myanmar a thlen veten ziangkim buaipi cih ding a si. Ziangtikin himi tlangleng inn khat thar a tlan thok ding , to man teh a kel sipei maw timi cu than a si hrih lo ih mipi hngahhlap zetmi a si.

Himi tlunah Germany khalin Myanmar a bom ding thu theih a si ih yuro 31.5mllion tluk Myanmar a kuat ding tiah ramdang vuanci in mipi simtheihnak a nei. Himi bomnak sungin yuro 18m cu khawte pawl ṭhansohnak ding ,fimzirnak ding le ṭulsammi dang hrang hman tum a si ih yuro 13.5m cu cet thilri, bulpak ṭhansohnak, meisa hrang le sumpai hawlnak ih ṭhansohnak hrang pawlah hman a si thu mipi theihter a si.  ( Myanmar News Journal  )

Be the first to comment

Leave a Reply

Your email address will not be published.


*