Kachin Ram Ih An Sakhan Lasal Dingin Ralkap Cun Ralkap 1000 Lenglo A Kuat Bet

Myanmar ralkap cun Kachin ramkulh Moe Mauk myone Alawbum tlangih an sakhan picang cu KIA kut in la kirsal tumah ralkap 1000 lenglo an kuat bet cu Kachin thuthang cun a tarlang.

Ralkap mipum le ralthuam pawl cu Rang sor in tlangpar ah phurhter an tum ih hmunrawn tiang cu mawtaw in an thlah. Mawtaw 8 in rang le ralthuam phunphun an phur ih tlang kaipi ding an si. May 28 ih an hmuhmi mawtaw 8 sungih rang le ralkap pawl cu tuini May 29 ah Alawbum tlang an kai thok tiah khuami pawl cun an rel.

Mawtaw zate cu 8 a si ih mawtaw 6 in rang an phur. Mawtaw dang cu eiin le ralthuam a si ding. Kan theih dan ahcun Alawbum tlang lam pan in ralthuam an phurso ding. Ziangahtile , fur caan a si tikah mawtaw in feh sukso a theih lo. Cumi tlunah mawtaw in an feh asile KIA in an rak kap rigring rungah a si ding,” tiah khuami pakhat cun a rel.

Ralthuam phurtu rang cu 25 hrawng an si tiah an rel ih hmaisa sawn ah ralkap 100 le neta sawn ah ralkap 800 an thleng bet cu ,tu pekte ah ralkap 1000 an pung bet. Tui dinhmun Alawbum tlang kiangkap ah ralkap 2000 hrawng an um tiah Kachin thuthag cun a tarlang a si.

Be the first to comment

Leave a Reply

Your email address will not be published.


*