Kalay Peng Dalan Inn Ih Bomb Puak Ah Inntek A Thi

Sagaing ramthen kalay peng Tin Tha khawsung ah ralkap thuthup sim ringringtu Dalan inn cu mizan,may 25 ah bomb a puak ih inntek a thi tiah khua mipi hnenin theih a si.

Tin Thar khuami pakhat cun “Mizan , zanlai ah Tin Tha khua ih Dalan inn ah bomb a puak ih inntek pa a thi tiah a sungte pawl cun ralkap an theihter. Cumi ruangah Tin Tha khua ah ralkap le palik mawtaw 8 hrawng an ra ih khua mipi tamzet cu hmunhim ah an tlan. Ralkap le palik cu khua an luh ding zawng khalah meithal an hmet puak durdo rero men a si,” tiah ramsung thuthang rintlak a simthei.

Tin Tha khua ih lut ralkap pawl cun Tin Tha khua ih um U Aung Ko Hty hnen in tangka ting 1 an lak sak ih Daw Kyi Kyi inn sungih TV le salawng khal an lak sak. Inn dang khal an dap vivo ih an lakmi pawl felfai in theih a silo. Cumi tlunah khua mipi 20 an kai ih thuhla an suh hnuah an thlahsal tiah DVB thuthang cun a tarlang a si.

Be the first to comment

Leave a Reply

Your email address will not be published.


*