Kalay Peng Thuthennak Zung Ih Thilri Retmi Pawl A Kangse Tam Lawlaw

Kalaymyo Tat-Oo Thida vengih peng thuthennak zung kiangkap cu may 22, tuizing zinglam nazi 5 hrawngah a kang tiah theih a si ih thil retmi lakin bike le mawtaw kangse tuk a tam.

Meikang suahnak hmun cu Kalay peng thuthennak zung kiangih thilri retnak hmun a si. Thilri retnak hmun ahcun mipi hnen in kaihmi bike le mawtaw tampi a um.

Cumi sungin bike tam tuk, a zat felfai in theih si hrih lo cu a kangse thluh ih mawtaw hrekkhat kangkai se man khal an um. Kalay thuthennak zung kang ahcun meitat pawl an thleng lohli ih meikang cu an mit thei cih nan, bike tamzet le mawtaw hrekkhat a kangse man.

Zoin a urkang , ziangruangah timi cu tuhrih tiang felfai in theih a si hrih lo. Bike le mawtaw retnak hmun kang cu thuthennak zung innpi kangkai man loin an mit fel thei a si.

Be the first to comment

Leave a Reply

Your email address will not be published.


*