Kalaymyo Ah Ralkap In Mi Pakhat An Hruaimi Cu Zan Khat Thu Ah An Hrem That

Kalaymyo ah ralkap cun mizan may 24 ih an hruaimi cu tuizing may 25 ah a sungte pawl phone in an bia ih a ruang nan la thei tiah an theihter men. Reiloten thu kan lo sut duak ding tiah an hruaimi cu zan khat thu ah an hrem that men.

Ralkap ih hrem thatmi Ko Min Min cu may 24 ah ralkap in Kalaymyo Myota veng a bike tuahnak dawr ih a umlai ah thu kan lo sut duak ding tiah an hruaimi a si ih ,tuizing may 25 ah a ruang ra la uh tiin a sungte pawl an phone. A sungte pawl in ruang an lak tikah Ko Min Min cu hrem that timi theihtheih zetin a taksa hmun tinkim ah hremnak hriamhma a um thluh.

Ralkap in ziang thuhla an sut timi cu theih a silo ih an hruainak san khal a sungte pawl cun an thei lo. A sungte pawl in Ko Min Min ruang an hmu cu an tuarthiam lo lawlaw. Ko Min Min cun a nupi le fate 2, kum 5 le kum 1 mi a fehsan a si.

Be the first to comment

Leave a Reply

Your email address will not be published.


*