Kalaymyo Tlawnginn Kiangah Bomb A Puak

Tuini May 24 cu ralkap cozah in tlawng hminpe dingah thu an suahmi a si ih myanmar ramsung hmun tinkim ah tlawnginn kiangih bomb puak thuhla theihmi a tam.

Kalaymyo (Ah-thah-kah 6 ) Ahmat 6 tlawnginn kulhnak kiang khalah bomb a puak ve. May 24 ,zinglam nazi 9:30am hrawngah puak a si ih ralkap 2 hriamhma an tuar tiah an rel. Bomb puak hnu reilo ah ralkap dang tamzet cu tlawnginn kiangkap ah an thleng bet ih bomb dang kammi tivek a um pei maw timi tlunah thilthleng zingzoinak an nei. Bomb cu zoih kammi le puah a si timi theih a silo.

Kum dang bang lo zetin ramsung tlawnginn tinkim ah ralkap lole palik an um thepthep thluh cu tlawngkainak hmun khal a bang lo. Tuini hi ralkap in tlawng hmin pe dingah an timi ni khatnak a si ih may 30 tiang tlawng hmin pek caan an ong. Cumi hnuah June 1 in tlawngkai thokter tum cu an si.

Tuini tlawng hmin pek ding an timi ni khatnak ah tlawng hminpe an tam le tam lo ramsung dinhmun cun felfai in theih man a si hrih lo ih,himi ca kan ngan tiang ahcun tlawng hminpe luihlo hmuh ding le theih ding an um hrih lo a si.

Be the first to comment

Leave a Reply

Your email address will not be published.


*