Kan Himnak Hrang A Tuldan Vekin Kan Humhim Aw Thlang Ding Tiah USDP In Thu An Suah

Kan ram buainak ah daan lo ih thuneihnak latu ralkap dinpitu lakah langsar bik cu USDP party an si. Ralkap an dinpi tuk ruangah anmah siseh an party tantu pawl khal in an tuar phah zetih may 27 khalah Bilin myo ih USDP hotu cu thah a rak si.

Cuvek ruangah USDP cun ralkap cozah hnuaiah rampi an him lo thu ,ralkap in duh vekin ram an uk thei lo ruangah an himnak hrang a tuldan vekin an humhimawk thok ding thu ca an suah.

An Ca suahmi cu “Bilin myone ih USDP party hotu U Myint Shwe cu may 27 ah thah a si. Cuvekin February 1 hnuah party sungin ,ralkap, palik le daiten ummen pawl khal misual pawl ih kut tuar le siatsuah in an um cu kan mawhthluk tuk lawlaw. Tuih dinhmun kan zoh asile kan ram uknak cu a tawne tiang hmuar a nei hrih lo. Misual pawl ih cangvaihnak lakin miding pawl kan humhimawk ding caan a si.

Vote ih nehawknak ah vote 10 million lai an ru cu ziamralter men tum in daan leng party hruaitu pawl ih khihhmuhnak , forhnak ,sumpai le ralthuam somdawlnak tivek ruangah nasa zetin buai vutvo caan a si. Daan vekin humhimawknak a um lo asile mahte humhimawknak hman ding cu hrial theih lomi zin pakhat a si thlang. Curuangah kan party sungte le tantu pawl thazang rual zetin kan do theinak dingah party cun lam khihhmuhnak khal kan nei zo. Kan ram le mipi him theinak dingah zokhal tan la cio dingah ka lo sawm a si,” tiah an ti.

Be the first to comment

Leave a Reply

Your email address will not be published.


*