Kan Pumpekawknak Cu Midang Hrang Ṭihnung Ah Maw A Can Ding Tiah Nurse Nu

Rakhine ih Covid 19 nat a darh ciamco ruangah sibawi tamzet le nurse tamzet cu pumpe aw in Rakhine ram an pan ciamco ih sizung ah covid 19 nat nei tuamhlawm in caan an hmang. Asinan, tui ṭum ih covid 19 nathrik cu khat le khat kaiawk sawng a ol zetih sibawi , nurse le sizung hnaṭuan pawl khalin covid 19 nat an kai cece.

Cumi ah Nurse San San khal Rakhine ih covid 19 nat nei tuamhlawm dingin pumpe aw a si nan, sizung ah covid 19 nat a kai ve ih amah ruangah midang nat an kai ciamco phangin a riahse zet. Ziangahtile sizung ih hnaṭuan an si tikah damlo piah aw le covid 19 nat an nei maw tiah mipi rak cek ṭheu a si.

Nurse San San cun “”Kan thiltonmi cu a rapthlak tuk aw. Dik zetih rel ahcun nathrik ka kai timi ka theih veten midang hrang thinhar riahsia in ka um. Ka tumtahmi cu sizung ah theitawkin hnaṭuan ih theitawkin midang bom ding cu a si. Cuti ka tuahmi cu sunglawi zetin ka ruat nan, tu ahcun keimah ruangah midang ziangzatin nat an kai pei maw tiah thinphang in ka um. Duhdawt zangfahnak cu midang hrang harnak le ṭihnung a si pang maw? Ka natnak in ka damfel tikah harsa bawm in caan hman hrih ka duh a si,” a ti.

Tui ṭum Rakhine ih covid 19 thlihrang cu a ṭihnung zetih thla 2 mi naute khal nat kai a um. Khat le khat kaiawk a ol tuk ruangah July 21 ih phuanmi Myanmar ramsung suakthuan tlawng hmuahmuah khal kharter sal thluh an si. Ahleice in ramdang ihsin tlung silo, ramsung um lakah nat a darh ciamco cu mipi hrang fimkhur tul tuk rorimi a si.

Be the first to comment

Leave a Reply

Your email address will not be published.


*